常見問題 23/2 更新

因為陸續收到好多人的唔同查詢,我地問答QA的方式嘗試解答大家

明白情況好麻煩,好不便,針對每一個客人同訂單都可能有唔同



Q1. 請問送長沙灣自取要幾耐?送住宅幾耐?

-送長沙灣暫時維持一個星期內有得拎,

送貨及其他自取點大約10個工作天以上

一切要視內地海關情況,因為日日情況都有D 唔同

比較難準確預計.



Q2. 藥丸可唔可以集運?

-藥丸唔可以集運的,內地海關可沒收



Q3.如果我屋企有人確診,唔方便落自取點取貨或收貨,可以有特別安排嗎?    

可以,但要視乎訂單情況,如果貨已到左自取點,

貨可能會先安排退回倉庫或由自取點盡量豁免存倉

但自取點地方都有限,比較大或重的貨會退回為優先,

客人如果有需要,可以聯絡客服了解下先

【 因為自取點同送住宅經唔同倉,唔同車,所以一定需時幾日處理 】 



Q4. 點解落左單之後唔係即刻出貨?

-因為運輸擠塞,內地倉現時長期於半爆滿狀態,

倉庫同事會盡快打包裝車的,敬請見諒!SORRY!



Q5.可唔可以先將貨落長沙灣,之後順豐到付或由自取點同事幫手叫車

-可以,但自取點同事需時處理,收到客人查詢後,或需時2-3天再轉送

另外客人需支付相應運費,抱歉



Q6. 長沙灣自取點好遠,可唔可以延長存倉期?

-可以的,自取點同事會盡量處理,但大太件,太重的都請幫手即日取(10KG 以上)

希望大家可以幫幫手,快D取貨,之後到貨的先可以上到架



Q7. 運輸真係咁嚴重?

-因為一旦中港司機的報住地址為香港確診地區,係地區,例如長沙灣

長沙灣有人確診,咁中港司機都唔比入場;

合資格司機亦要每24-48小時到海關指定機構檢測 

出左陰性報告先可以進場,但出報告成個過程都要6-8小時 

司機出左報告無幾耐又夠時間再檢

所以運輸過關情況嚴重受影響                  



Q8. 宜家咁的情況,可唔可以放D貨係內地唔落單住?

-可以,內地倉存倉期可以酌情處理,落單前可以同客服申請重設存倉期

但因為快遞單擺太耐會甩色,有搵唔返貨主的風險

所以都唔建議客人擺好耐                       



Q9. 我之前已經落左單,但之後先知咁的情況/ 想改變主意去長沙灣拎左先,得唔得?

-可以,落左單比左運費的客人,可以去以下連結交表 ,內地倉務會盡快處理抽出 

同事亦會睇情況作安排,邊一樣取貨方法比較快,就會安排邊一種方法

**同樣地 改地址一樣需時處理,唔會今日交表,聽日貨就落到長沙灣                                                                           


     


Q10. 我可唔可以先落送貨上門,中途去長沙灣門市取?

-因為送貨上門同自取點的貨唔會經長沙灣倉,所以做唔到中途取貨.



Q11. 咁到底幾時先會回復正常?

-要睇下確診人數幾時開始回落,內地海關最新安排

中港運輸暫時仍處於 艱難階段,現時已經不計成本,

務求早日出到貨,盡量維持日常作  

希望客人,運輸,倉庫,自取點都可以捱過難關